Бөлүштүрүү (экономикада)
Бөлүштүрүү (экономикада) – өндүрүш менен керектөөнү байланыштыруучу звено. Ал өндүрүш каражаттарынын, керектөөнүн зарыл жана кошумча продуктыларынын бөлүштүрүлүшүн камтыйт. Б. принциптери жана формалары өндүрүш жолуна жараша болуп, өндүрүштүн өнүгүшүнө таасирин тийгизет. Өндүрүш менен бөлүштүрүү бири бирине шайкеш келип, коомдук байлык пландын негизинде бөлүштүрүлөт. Адегенде өндүрүш каражаттарынын наркы калыбына келтирилет; калган экинчи бөлүгү улуттук кирешени түзүп, өндүрүштү өркүндөтүүгө сарпталат; улуттук кирешенин бир бөлүгү керектөө фондун түзүп, эмгекчилердин мүдөөсүн канааттандырууга жумшалат. Калган бөлүгү мамлекетти башкаруу менен өлкөнү коргоого, элге билим берүүгө, саламаттык сактоого, илим менен искусствого керектелет.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4