Вануатунун административдик-аймактык түзүлүшү
.JPG)
1994-жылдан тартып Вануату Республикасы 6 провинцияга бөлүнөт[1]. Провинциялардын аталыштары провинцияны түзгөн негизги аралдардын аталыштарынын уңгусунан же биринчи тамгаларынан түзүлгөн:
- Малампа (аталышы Малакула, Амбрим жана Паама аралдарынын аталышынан алынган)
- Пенама (Пентекост, Аоба, Маэво)
- Санма (Санто, Мало)
- Тафеа (Танна, Анива, Футуна, Эрроманго, Анейтюм)
- Торба (Торрес аралдары, Банкс аралдары)
- Шефа (Шеперд, Эфате аралдары)
1906-жылы Жаңы Гебриддерде кондоминиум түзүү боюнча конвенцияга кол коюлгандан кийин төрт жыл бою административдик бөлүнүү болгон эмес жана меланезиялыктар катышкан ар кандай талаш-тартыш иштерди жалпы сот эмес, аскер-деңиз комиссиясы караган жана чечимдерди кабыл алган[2]. 1911-жылы административдик реформаны ишке ашыруу боюнча алгачкы кадамдар жасалган. Реформанын натыйжасында, 1912-жылы Жаңы Гебриддердин айрым аралдарына резидент-комиссарлардын өкүлдөрү дайындалган (Эфате аралын кошпогондо), алар калктын ар кандай даттанууларын карап, жумушка орношуу маселелерин көзөмөлдөшкөн. Британиянын өкүлдөрү Танна жана Эспириту-Санто аралдарында, Франция өкүлдөрү Малекула жана Пентекост аралдарында колониялык багыттагы иштерди жүргүзүшкөн.
1985-жылы кезектеги административдик реформа жүргүзүлүп, натыйжада төрт округ жоюлуп, он бир аралдар үчүн Арал Кеңеши түзүлгөн[1].
Провинциялар[түзөтүү | булагын түзөтүү]
| № | Провинция
(кырг.) |
Провинция
(англ.) |
Административдик
борбору |
Аянты,
км² |
Калкы,
адам (2009) |
Жыштыгы,
адам/км² |
|---|---|---|---|---|---|---|
| 1 | Малампа | Malampa | Лакаторо | 2779 | 36 727 | 13,22 |
| 2 | Пенама | Pénama | Саратамата | 1198 | 30 819 | 25,73 |
| 3 | Санма | Sanma | Люганвиль | 4248 | 45 855 | 10,79 |
| 4 | Тафеа | Tafea | Исангел | 1628 | 32 540 | 19,99 |
| 5 | Торба | Torba | Сола | 882 | 9359 | 10,61 |
| 6 | Шефа | Shéfa | Порт-Вила | 1455 | 78 723 | 54,11 |
| Бардыгы | 12 190 | 234 023 | 19,20 |
Тарых[түзөтүү | булагын түзөтүү]
1985-жылдан 1994-жылга чейин өлкө 11 аралдык аймакка бөлүнгөн:
- Аоба жана Маэво (борбору Лонгана)
- Амбрим (борбору Эас)
- Банкс жана Торрес (борбору Сола)
- Эфате (борбору Порт-Вила)
- Эпи (борбору Рингдав)
- Малекула (борбору Лакаторо)
- Паама (борбору Лиро)
- Пентекост (борбору Лолтонг)
- Санто жана Мало (борбору Люганвиль)
- Шеперд (борбору Моруа)
- Тафеа (борбору Исангел)
Кондоминиум мезгилинде 4 административдик округ болгон:
- Түштүк округу
- Борбордук округ 1
- Борбордук округ 2
- Түндүк округу
Булактар[түзөтүү | булагын түзөтүү]
- ↑ 1.0 1.1 Вануатунун провинциялары (англ.)
- ↑ Tufala Gavman (ред. Bresnihan, Brian J. and Keith Woodward). Reminisces from the Anglo-French Condominium of the New Hebrides. — Suva, Fiji: Institute of Pacific Studies, University of the South Pacific, 2002. — С. 26. — ISBN 982-02-0342-2
Тышкы шилтемелер[түзөтүү | булагын түзөтүү]
 Вануатунун провинциялары | ||
|---|---|---|
|
|  | |
