Везувиан

Везувиан (Везувий жанар тоосунан табылгандыгына байланыштуу аталган), идокраз — силикаттар классына кирүүчү минерал. Химиялык формуласы Ca₁₀Mg₂Al₄ [SiO₄]₅[Si₂O₇]₂(OH)₄. Тетрагон сингониясында кристаллданат. Өңү саргыч жашылдан чанда кочкул жашылга чейин, кара күрөң, кара кызгылт көк, көк, айнектей жалтырак. Катуулугу Моос шкаласы боюнча 6,5. С. салмагы 3,35—3,45. Везувиан магма тоотектери менен акиташтегинин жана доломиттин контактасында метасоматоз процесстеринен пайда болот. Тунук везувиан баалуу кооз таш катары пайдаланылат.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4