Америго Веспуччи

Wikipedia дан
(Веспуччи Америго барагынан багытталды)
Jump to navigation Jump to search
Америго Веспуччи.

Веспуччи Америго – (9.3.1454 (1451), Флоренцпя 22.2.1512, Севилья) деңиз саякатчысы. 1491-ж. Испанияга көчүп келген. Алгач Медичи банкында кенже кызматкер, кийинчерээк ошол фирманын Севильядагы агенти болуп кызмат өтөгөн. Х. Колумбдун 2жана 3-экспедициясын даярдоого катышкан. 1497-98-ж. Канар аралына саякат жасаган. 1499-1500-ж. Испаниянын, 1501-04-ж. Португалиянын деңиз кызматында, 1508-12-ж. Кастилиянын башкы кеме башкаруучусу (кормчий) болгон. 1499-1504-ж. Жаңы Дүйнөнүн жээктерине болгон экспедицияларга катышкан. Бул саякаты тууралуу Лоренцо Медичи менен Пьеро Содериниге жазган каттары дүйнөгө белгилүү болуп, басма беттерине бир нече тилде (1505-10) басылган. Лотарингиялык картограф М. Вальдземюллер Колумб ачкан «дүйнөнүн төртүнчү бөлүгүн» Веспуччи тапты деп жарыялап, анын урматына Америка деп (1507) аталып, 1538-ж. картограф Меркатордун картасына «Америка» деген ат менен түшүрүлгөн.

Колдонулган адабияттар[оңдоо | булагын оңдоо]