Воейков огу

Воейков огу – Азия антициклонунун бир тармагы. Ал антициклондун борбордук бөлүгүнөн (Монголиянын аймагы жана Чыгыш Сибирдин түштүгүнөн) батышты карай Урал, Төмөнкү Волга боюна чейин созулат. Батыш Сибирь менен Түндүк Казакстандын климатына зор таасир тийгизет; кышында ал аймактарда аяздуу суук аба ырайын пайда кылат. Воейков огунун чегинде циклондорго караганда антициклондор үстөмдүк кылары атм. басымдын карталарында катталат. Бул кубулуш алгач (19-кылымдын аягында) аны аныктаган орус климатологу А. И. Воейковдун ысмынан аталган.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4