Галиев Ренат Сулейманович

Галиев Ренат Сулейманович - [1938, Фрунзе (азыркы Бишкек)] микробиолог, ветеринария илимдер доктору (1974). КРдин илимге эмгек сиңирген ишмери (1996). 1958-ж. К. И. Скрябин атындагы КАЧИни бүткөн. 1958-жылдан Кыргыз ССР ИАнын Биохимия жана физиология (Биотехнология) институтунун кенже, 1965-жылдан улук илимий кызматкери, 1973-жылдан лабороториялык башчысы. Вет. микробиология, вирусология жана иммунология боюнча адис. Илимий эмгектери некробациллёз ылаңына каршы күрөшүүгө арналган.Эмгектер: Некробациллёз овец (соавт.). Ф., 1965; Испытание дибиоцимида при некробациллёзе овец. М., 1967; Современные научные основы биотехнологии вирусных препаратов. Ф., 1997.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4