Гашек Ярослав
![](http://upload.wikimedia.org/wikipedia/commons/thumb/a/a8/%D0%AF%D1%80%D0%BE%D1%81%D0%BB%D0%B0%D0%B2_%D0%93%D0%B0%D1%88%D0%B5%D0%BA.jpg/220px-%D0%AF%D1%80%D0%BE%D1%81%D0%BB%D0%B0%D0%B2_%D0%93%D0%B0%D1%88%D0%B5%D0%BA.jpg)
Гашек Ярослав (30. 4. 1883, Прага 3. 1. 1923, Липнице) чех жазуучусу, сатирик. 20-кылымдын баш ченинде анын жол очерктери, юмордук сүрөттөмөлөрү жарыялана баштаган. Кийинки жазылган социалдык мүнөздөгү сатиралык аңгеме, фельетондорунда аскердик бийлик менен буржуазия мамлекеттик аппараттын бюрократизмин, моралын, мадабиятын, диний ырым-жырымын ашкерелеп, элдин оор турмушун көрсөтөт. 1915-ж. Австрия-Венгрия армиясына чакырылып, көп узабай орус аскерлерине туткунга түшөт. 1916-ж. Россиядагы чехословакиялык аскер бөлүктөрүндө кызмат кылган, аскер журналисти болуп иштеген. 1920-ж. ата-журтуна келип, чыгармачылыгын улантат. «Эргул жоокер Швейктин дүйнөлүк согуш мезгилинде башынан өткөргөндөрү» (1921-23) романында эл турмушунун реалисттик көрүнүштөрү курч сатиралык гротеск менен эришаркак берилген. Роман 30га жакын жолу экрандаштырылган. Чехословакияда Гашек музейи (Липницеде) ачылган. Чыгармалары: Собранные сочинения том 1-5. М., 1966.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4