Генотип

Wikipedia дан

Генотип - (ген... жана гр. tepos калдык) белгилүү бир организмдин бардык гендеринин жыйындысы. «Генотип» терминин 1909-ж. даниялык генетик В. Иогансен киргизген. Азыркы генетикада генотип өзалдынча кызмат кылуучу гендердин жыйындысы гана эмес, ар кандай деңгээлдеги (мисалы, бирдей же түрдүү гендин) аллелдеринин ортосундагы ген элементтеринин бүтүндөй системасы деп каралат. Генотип хромосомасындагы организмдин түзүлүшүн, өсүшүн жана тиричилик аракетин, башкача айтканда организмдин бардык белгилерин (фенотип) көзөмөлдөйт. Генотип тукум куугучтуктун айрым бир белгисин эмес, чөйрөнүн шартына организмдин реакциясынын нормасын көрсөтөт. Белгилердин фенотиптик көрүнүшүнө чөйрө таасир тийгизет, мисалы, суук жерде багылган коён кара, ал эми мелүүн алкактагысы ак (мурду, кулагы, буту жана куйругу кара) түстө болот.

Колдонулган адабияттар[оңдоо | булагын оңдоо]