Гигрометр
Гигрометр - (гигро... жана ...метр) – абанын нымдуулугун өлчөөчү прибор. Түрдүү принциптердин негизинде иштөөчү бир нече түрү бар: салмактык (абсолюттук), кылдуу (чач), плёнкалуу, конденсациялык, электролиттик гигрометр ж. б. Метеорологияда көп колдонулуучу кылдуу гигрометр иштөө принциби адамдын майсыз бир тал чачы өз узундугун аба нымдуулугуна жараша өзгөрткөндүктөн салыштырмалуу нымдуулукту 30%тен 100%ке чейин аныктоо мүмкүндүгүнө негизделген. Металл алкакка тартылган кылдын, чачтын узарышы шкалада жылып туруучу жебеге берилет. Плёнкалуу гигрометрде нымдуулук көбөйсө керилген, азайса жыйрылган (кичирейген) органикалык плёнка мембрана колдонулат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4