Глорьез

Глорьез – Инди океанындагы арал; Франциянын ээлиги (1892-жылдан). Мозамбик кысыгында жайгашкан аралдар тобуна кирет. Аянты 5 км². Франция Республикасынын жогорку комиссариаты тарабынан башкарылат. Арал Мадагаскар менен Сейшель аралынын ортосундагы талаш аймак. Эки атолл жана үч аскалуу арал түштүк-батыштан түндүк-чыгышка созулган рифти түзөт. Кеме токтоого өтө ыңгайсыз. Деңиз деңгээлинен бийиктиги 12 м. Климаты тропиктик, деңиздик ысык. Жыш токой ээлейт.

Колдонулган адабияттар

“Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4