Дистен

Дистен (гр. di - эки жана гр. sthenos - күч), кианит - силикаттар классына кирүүчү минерал.

Хим. формуласы Al20Si04. Триклин системасында кристаллданат. Өңү көгүш, жашыл, бозомтук, агыш; чопо жана көмүрлүү зат аралашуусунан кээде кара түстө болот.

Катуулугу Моос шкаласы боюнча 4,5-7. Салышт. салм. 3,56- 3,67. Кристаллдуу сланецтерде кезигет.

Дистен отко жана кислотага, жегичтерге туруктуу буюмдарды ж. б. даярдоодо, кремний менен алюминийдин куймасы (сплавы) - силуминди алууда пайдаланылат. Ири кени Кола жарым аралында бар.

Колдонулган адабияттар

• Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.