Дольф Лундгрен

Wikipedia дан
Jump to navigation Jump to search

Ханс "Дольф" Лундгрен (англ. Hans "Dolph" Lundgren; 1957-жылы 3-ноябрь) – швед актеру, режиссер, сценарист, продюсер жана согуш искусствонун чебери.

Лундгрен 1980-жылдардын башында Королдук технология институнан инженер-химик болуп чыккан, 1982-жылы Сидней университетинен химиялык машина куруу боюнча магистр даражасын алган. Лундгрен Көкусинкай каратэ боюнча кара курдун үчүнчү дан даражасына ээ болуп, 1980-81-жылдары Европанын чемпиону болгон. Сиднейде ямайкалык ырчы Грэйс Жонстун жансакчысы болуп экөө кездеше баштаган. Актер Массачусетс технология институтуна Фулбрайт стипендиясы аркылуу өтүп, Бостонго көчөт. Жонс актерду окуусун таштап Нү-Йорк шаарына көчүп тасмаларда тартылууга жана чогуу болууга ынандырган. Актер Нү-Йоркто модель жана Манхэттендин The Limelight түнкү клубунда кароолчу катары иштеген соң, Жонс тартылган Жеймс Бонд сериялардын "Бир кылмышка көз караш" (англ. A View to a Kill) тасмада Улуттук коопсуздук боюнча мамлекеттик комитетинин тарапкеринин ролун аткарып биринчи жолу тасмага тартылган.

Лундгрен "Рокки 4" (англ. Rocky IV) тасмада советтик боксеру Иван Драгонун ролун аткарып атактуулукка жеткен. Ошондон тартып, ал иш-аракет жанрда алардын дээрлик бардыгы, 40тан ашык тасмалар белгиленген жатат. Ошол замандан бери актер кырктан ашык согуш жанрындагы тасмаларда тартылган. Актер "Ааламдын бийлөөчүлөрү" (англ. Master of the Universe) тасмада Хи-менди ойноп, 1989-жылы "Жазалоочу" (англ. The Punisher) тасмада Фрэнк Каслдин ролун аткарган. 1990-жылдардын башында Лундгрен "Карангылыктын периштеси" (англ. Dark Angel, 1990), "Универсалдуу аскер" (англ. Universal Soldier, 1992), "Жошуанын багы" англ. Joshua Tree, 1993), "Жонни-мнемоник" (англ. Johnny Mnemonic, 1995) жана "Блэкжек" (англ. Blackjack, 1998) сыяктуу тасмаларда тартылган. Лундгрен 2004-жылы "Коруучу" (англ. The Defender) аталышындагы алгачкы тасмасын тарткан, кийин ал "Маханик" (англ. The Mechanik, 2005), "Миссионер" (англ. Missionary Man, 2007), "Командалык аткаруу" (англ. Command Performance, 2009) жана "Икарус" (англ. Icarus, 2010) сыяктуу тасмалардын режиссеру болгон жана акыркысында роль аткарган.

1995-жылдан баштап түзмө-түз тартылган тасмаларда роль аткарган соң, Лундгрен 2010-жылы Голливудка кайтып, Сильвестр Сталлоне жана башка жылдыздар менен бирге "Ээ бербегендер" (англ. The Expendables) тасмада Гуннар Женсендин ролун аткарган. Лундгрен ушул эле ролду "Ээ бербегендер 2" (англ. The Expendables 2, 2012) жана "Ээ бербегендер 3" (англ. The Expendables 3, 2014) тасмаларда аткарган. Ошол эле 2014-жылы Лундгрен адамдарды мыйзамсыз жолу менен ооштуруу жөнүндөгү "Адам сатуу" (англ. Skin Trade) триллерде тартылган, ошол эле заматта тасманын продюсери жана сценарийинин кош-жазуучусу болгон. Бул тасма Кэри-Хироүки Тагава менен бирге тарткан үчүнчү тасма болгон, мындан мурун алар "Кичинекей Токиодо орун алган чыр-чатак" (англ. Showdown in Little Tokyo, 1991) жана "Ажыдаарлардын көпүрөсү" (англ. Bridge of Dragons, 1999) тасмалрдын үстүндө чогу иштешкен. Лундгрен Гуннар Женсендин ролун 2018-жылы "Ээ бербегендер 4" (англ. The Expendables 4, 2018) тасмасында кайта аткаруусу күтүлүүдө.

Өмүр таржымалы[оңдоо | булагын оңдоо]

Жеке жашоосу[оңдоо | булагын оңдоо]

Тартылган тасмалары[оңдоо | булагын оңдоо]

Шилтемелер[оңдоо | булагын оңдоо]