Доридалык капитель

Доридалык капитель – ордердин түркүгүнүн (анын модификацияларынын) капители. Тигинен 3 негизги бөлүккө бөлүнөт: тик, жылма кырдуу абака; анын туура, түз линиялуу профили рим ордеринде жогору жагынан такача менен татаалдаштырылган, абаканын астында – кээде ионик же шурулар менен жасалгаланган эхин жайгашкан; астынан жылма же фуст менен бирдикте каннелюрланган, же сейрек кездешүүчү орнаменттик мотивдер менен жупуну кооздолгон моюнчасы бар. Бул үч бөлүк бири-бири менен бийиктиги боюнча барабар. Д. к-ди көз менен көргөндө фусттан резкилер («шакекчелер») же байыркы грек архитектурасындагыдай фустка тиешелүү астрагал бөлүп турат.

Колдонулган адабияттар

• Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004