Жалгасынова, Дарыйка

Wikipedia дан
Jump to navigation Jump to search

Жалгасынова Дарыйка (1941-ж. т., Кара-Буура району, Чолпонбай айлы) — ырчы (лирика-драмалык сопрано). Кыргыз Республикасынын эл артисти (1983; эмгек сиңирген артисти, 1973).
1966-ж. П. И. Чайковский атындагы Москва мамлекеттик консерваториясын бүткөн.
1966—78-ж. А. Малдыбаев атындагы Кыргыз мамлекеттик академиялык опера жана балет театрында солист, 1978-жылдан Кыргыз Республикасынын радио жана телевидение улутгук компаниясынын солисти.
Анын аткарган партиялары үнүнүн угумдуулугу, сезимге жагымдуулугу менен айырмаланат.
Классикалык жана улуттук операларда аткарган партиялары: Калыйман, Канайым, Зулайка, Чынар (А. Малдыбаев, В.А.Власов, В. Г. Фере, «Айчүрөк», «Манас», «Ажал ордуна», «Алтын кыз»), Ширин (А. Аманбаев, «Бойдоктор»), Зияда (Н. Давлесов, «Аста, секин колукту»), Гүлчахра, Асия (У. А. Гажибеков, «Аршын мал-алаң»), Микаэла (Ж. Бизе, «Кармен»), Маргарита (III. Гуно, «Фауст»), Лиза (П. Молчанов, «Бул жердин таңы бейкут») жана башка. Кыргыз композиторлорунун ырларын, романстарын, элдик обончулардын жана башка улуттардын ырларын (500гө жакын ыр, романс, вокалдык чыгармаларды) чебер аткаруучу катары белгилүү.
Швеция,Венгрия, Япония, Монголия, Исландия жана башка өлкөлөрдө гастролдо болгон. Медалдар менен сыйланган.

Колдонулган адабияттар[оңдоо | булагын оңдоо]

  • Талас облусу энциклопедия. Бишкек-1995-ж.

Айрым шилтемелер[оңдоо | булагын оңдоо]

ТАҢШЫГАН ЫРЧЫ ДАРИЙКА ЖАЛГАСЫНОВА