Жалпы интеграл

Жалпы интеграл, дифференциал теңдеменинин интегралы – n тартиптеги y⁽ⁿ⁾ = f(x, y, y, ..., y^(n–1)) теңдемесинин D облусундагы жалпы чыгарылышын айкын эмес функция катары сүрөттөөчү n параметрлүү Ф(х, y, с_1? ..., c_n)=0 теңдемеси. 1-тартиптеги кадимки дифференциал тендемелердин x.=f. (t, х, х ,..., x_n), .=1, ..., n системасынын D облусундагы жалпы интегралын да аныктоого болот. Бул (c₁, ..., c_n) е C n параметрин камтыган жана системанын D облусундагы жалпы чыгарылышын түзгөн функциялардын түркүмүн айкын эмес түрдө көрсөтүүчү n теңдеменин Ф(Ф, х , ..., x_n)=c, i = 1, ..., n тобу. Айрым туундулуу дифференциал теңдемелердин жалпы интегралы деп теңдемеге кирген өзгөрмөлөрдү байланыштыруучу эрктүү бир функцияны камтыган жана бул функциянын ар бир маанисинде берилген теңдеменин чыгарылышын берген катыш аталат.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5