Жангазиев Мыктыбек Султанбекович

Жангазиев Мыктыбек Султанбекович (4. 10. 1957-ж. туулган, Кожомкул кыштагы) - элдик дарыгер, табып.

• Кесиби зоотехник.
• Кант районундагы Фрунзе айыл чарба техникумунун зоотехника бөлүмүн (1984) жана К. И. Скрябин атындагы айыл чарба институтун сырттан окуп бүтүргөн (1992).
• 1976-77-жылдары Советтик Армиянын катарында Приморьеде кызмат өтөйт.
• Эмгек жолун 1977-ж. Суусамырдагы кой чарба башкы бирикмесинде (ГОО) айдоочу болуп баштаган.
• Кийинчерээк «Кызыл-Ой» совхозунда кампа башчысы, профсоюз уюмунун төрагасы (1979-85), партиялык уюмдун катчысы (198589) жана мал чарба тармагында башкаруучу (1988-89) болуп эмгектенген.
• 1989-92-жылдары Суусамыр районундагы «Каракол» совхозунда башкы зоотехник, профсоюз уюмунун төрагасы болгон.
• 1996-99-жылдары «Өйдөчекти» дыйкан чарбасын башкарат жана Кожомкул кыштагына айыл башчысы болуп шайланат.
• Кийинки жылдары элдик табыпчылык менен алектенет.
• Өзгөчө сынык менен чыгып кеткен ооруларды кылдаттык менен ордуна салып айыктырат.
• Бишкектеги «Бейиш» борборунан «укалоочу» күбөлүгүн алган.
• Өйдөчекти Уруусунан.

Колдонулган адабияттар

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9