Жарташ курорт зонасы

Wikipedia дан
Jump to navigation Jump to search

Жарташ курорт зонасыМосква районундагы бальнеол. курортко ылайыктуу аймак. Беловодский т. ж. бекетинен 30 км түштүктө, Бишкектен 100 км түш батыш тарапта (Бишкек ш. м-н авт. жолу аркылуу байланышат).

Кыргыз Алатоосунун түн. капталында, деңиз деңг. 2400 м бийиктикте жайгашкан. Климаты мелүүн континенттик. Кышы мелүүн суук (январдын орт. темп-расы –5°С); жайы салкын (июлдуку –17°С). Жылдык жаан-чачыны 650 ммдей. Жылдык орт. салыштырмалуу нымдуулугу 59%. Дарылоочу негизги табигый фактору – көмүр кычкылтектүү гидрокарбонаттуу магний-кальцийлүү суу (минералдануусу 1,6 г/лге чейин); составында темир (10–12 мг/л) бар. Суткалык дебити 1728 м3ге жеткен эки скважинасы пайдаланылат. Суусу дарылоо-суусундук катары «Аксуу» деген ат м-н («Жарташ нарзаны» деп да аталат) бөтөлкөгө куюлуп алынат. Ашказан, ичеги, боор, өт жолдору оорулуулар пайдаланат. О. эле, к. Аксуу (Жарташ) минералдуу суусу макаласын.

Колдонулган адабияттар[оңдоо | булагын оңдоо]

  • Кыргызстандын географиясы. Бишкек: Мамлекеттик тил жана энциклопедия борбору, 2004, s. 71–72. ISBN 9967-14-006-2