Изотерма
Изотерма - (изо... жана гр. therme жылуулук) термодинамикалык абал диаграммасында изотерма процессин аныктоочу ийри сызык. Идеалдык газдын изотерма теңдемеси pV=const, мында р басым, V газдын көлөмү. р, V координата тегиздигинде изотерманын графиги гипербола. Реалдуу газдын абалы Ван-дер-Ваальс теңдемеси менен аныкталат. Реалдуу газдын изотерма теңдемеси татаалыраак мүнөзгө ээ. Бирок, ал төмөнкү басымда же жогорку температурада идеалдуу газдын изотерма теңдемесине өтөт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5