Икра

Икра, энелик урук - моллюскалардын, ийне терилүүлөрдүн, сөөктүү балыктардын, жерде-сууда жашоочулардын жана башкалардын сууга ташталган энелик жыныс клеткасы (жумурткасы). Икра суу түбүнө, терең катмарларына жана үстүнө ташталат. Суу түбүнө ташталган уруктар, суудан оор келет, кээде жабышкак болот. Балыктар суу түбүнө, таш коңулуна, өсүмдүккө таштайт же суу түбүндөгү катуу жерге көөмп коёт. Жеңил икра суунун калың катмарында же анын үстүндө калкып жүрөт. Балык икрасынын диаметри 0,6 ммден 7,0 ммге чейин. Балыктар бир нече ондон жүз миллионго чейин икра таштайт.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5