Интервалдар методу

Интервалдар методу – барабарсыздыкты чыгаруу ыкмаларынын бири. y = f (x) функциясы сан огунда аныкталсын жана үзгүлтүксүз болсун деп кабыл алынат. f (x) = 0 теңдемесинин тамырларын таап, алар сан огунда белгиленет. Бул чекиттер сан огун бир нече аралыктарга бөлөт. Аралыктарда функция белгисин сактайт. Белгисин аныктоо үчүн аралыктын бир чекиттеги белгисин аныктоо жетиштүү. Мисалы, ${\frac {\left(x+3\right)\left(x+2\right)}{x\left(x-1\right)}}>0$ барабарсыздыгын чыгарууда f(x)=${\frac {\left(x+3\right)\left(x+2\right)}{x\left(x-1\right)}}$ функциясы x =-3, x =-2, x =0, x =1 чекиттеринде үзгүлтүккө ээ же нөлгө барабар болот. Бул чекиттер сан огун бир нече аралыктарга бөлөт (к. чийме), ар бир аралыктын ичинде f(x) функциясы белгисин сактайт. [1;$\infty$] аралыгында алымдын жана бөлүмдүн бардык көбөйтүндүлөрү оң, ошондуктан f(x) > 0; ]0; 1[ аралыгында x -1 көбөйтүүчүсү гана терс, калган көбөйтүүчүлөр оң, башкача айтканда f(x)< 0; ушул сыяктуу эле [-2; 0] дында f(x) > 0 ; ] -3; -2 [инде f(x) < 0; ал эми ]-$\infty$ ; 3[ аралыгында f(x) > 0. Жыйынтыгында f(x) функциясы [$-\infty ;-3$[$\cup$]2;0[$\cup$]l;$\cup$ [ аралыктарында оң, башкача айтканда берилген барабарсыздык ушул аралыктарда гана чыгарылышка ээ болот.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5