Йемендиктер

Wikipedia дан
Jump to navigation Jump to search

Йемендиктер, Йемен арабдары эл, Йемендин негизги калкы. Жалпы саны 20 млндой киши (2007). Йемен диалектисиндеги араб тилинде сүйлөшөт. Ислам динин (шииттер) тутушат. Йемендиктер негизинен дыйканчылык, мал чарбачылык, балыкчылык, кол өнөрчүлүк менен кесиптенишип, соода-сатык жүргүзүшөт. Йемендиктер жүндөн жасалган чатырларда, жер төлөлөрдө, үстү саман же пальма жалбырактары менен жабылган алачыктарда, таштан салынган үй-чептерде, ал эми шаарларда дубалы таш же кыштан тургузулуп, оймо-чиймеленген, көп кабаттуу үйлөрдө жашашкан. Улуттук кийимдери - эркектери ак матадан кабатталган белдемчи, көйнөк кийип, белине булгаарыдан кур (хузам) байлап, канжар тагынып, башына жоолук (куфия) оронушат, айрым жерлерде жеңдүү, узун ак көйнөк кийип, жашыл же көк түстүү жүндөн токулган шарф жамынышат. Аялдары узун көйнөк, кыска кофта кийип, бетин кара түстүү жамынгычтар менен жаап, башына көк жоолук оронушат. Тамак-ашы негизинен ун, күрүч, курма, жашылча, эт, балык азыктарынан даярдалып, суусундук катары кофе, чай жана таттуу арак колдонулат. Элдин бардык катмары кат (чайноочу өсүмдүк) чайнашат.

Колдонулган адабияттар[оңдоо | булагын оңдоо]