Кайыңды гранит кени

Кайыңды гранит кени – Талас облусунун Кара-Буура районунда, Арал кыштагынан 2 км түштүк тарапта, Кыргыз Ала-Тоосунун түштүк капталындагы Сөгөттү жана Кичи Кайыңды сууларынын аралыгында, деңиз деңгээлинен 1300-1370 м бийикте. 1979-ж. Түндүк Кыргыз геологиялык экспедициясы чалгындаган. Кендин аймагын ордовик мезгилинде жиреп чыккан диорит, гранодиорит жана силурдун гранит интрузиясы түзөт. Кен бири биринен 150-200 м аралыкта жайгашкан эки участкага бөлүнөт. Биринчиси алгачкы ордовик мезгилиндеги боз түстүү гранодиорит комплексинен, экинчиси силур мезгилиндеги кызгылт түстүү гранит комплексинен турат. Физикалык-механикалык касиеттери боюнча гранодиорит менен гранит дубалдын ичи-тышын кооздоп каптоого жарамдуу. Блоктордун чыгышы 62%, көлөмү 10-20 м³, оңой кесилип, жакшы сайкалданат. Тактанын чыгышы: калыңдыгы 30 мм болгондо 13,1 м²/м³, 40 ммде 9,9-10,22 м²/м³. Боз гранодиориттин А категориясы боюнча запасы 1259 миң м³, В -1499 миң м³, Cj-1776 миң м , А+В+С^ 4534 миң м ; кызгылт граниттики А 452 миң м³, В 1551 миң м³, С₁ 2548,6 миң м³, А+В+С₁ -4551,6 миң м³. Бардыгы 10085 миң м³. Кен казылып алынууда. 1996жылга карата запасы: боз гранодиориттики А+В+С₁ 4453 миң м³, кызгылт граниттики А+В+С₁ 4416 миң м³.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5