Калькуляция

Wikipedia дан
Jump to navigation Jump to search

Калькуляция (Латын тили calculatio - санап, эсептеп жатам) - продукция бирдигинин же иштин өз наркын чыгаруу.

Калькуляция - өз нарк боюнча план менен отчёттун негизги бир көрсөткүчү. Мында белгилуу продукция, ошондой эле жумуш бирдигинин чыгымы акчалай белгиленет. Калькуляция пландуу, отчёттуу, нормативдуу жaна долбоордук болуп ажырайт. Калькуляция - үнөмдөө жана сом аркылуу контролдоонун зарыл каражаты. Ал ишканаларда бирдей буюмдун өз наркынын жана рентабелдуулугунун деңгээлин салыштырууга, адистештирууну туура чөчуүгө, өндүрүштүк программаны жайгаштырууга шарт түзөт.

Айыл чарба азык-түлүгүнүн өз наркынын Калькуляция сы анын сатык баасын пландоодо колдонулат. Калькуляция продукциянын түрү жана бирдиги боюнча түзүлөт. Ал негизинен сырьё, материал, отун, энергия чыгымына, баа составына жана транспорттоо-даярдоо сарпына байланыштуу болот. Кызмат акы Калькуляциясы эмгек өндүрүмдүүлүгүнө, өндүрүштөгү жумушчунун кызмат акы деңгээлине карата аныкталат. Калькуляцияга кируучу чыгым эсептөө ыкмасына жараша даана жана кыйыр болуп бөлүнөт.

Колдонулган адабияттар[оңдоо | булагын оңдоо]

Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1978. Том 3. Ирик - Лактар. -640 б.