Кампу-гранди
Кампу-гранди — Бразилиядагы шаар. МотуГросу штатынын административдик борбору. Калкы 791,2 миң (2008). К.-Г. аркылуу федерациялык үч автотрасса (Парагвай, Боливия жана Уругвайдын чек арасы аркылуу) өтөт. Эл аралык аэропорту бар.
1870-жылы негизделген. Носа-Сеньора-да-Абадия собору, Сан-Бенедиту чиркөөсү, ратуша жана университеттер (анын ичинен католик, федерация жана башка), музейлер бар. Тамак-аш (эт жана аны тоңдуруп сактоо), курулуш материалдар өнөр жай ишканалары иштейт. Шаарга жакын эл аралык маанидеги автодром жана картодром бар. Кампу-Грандиден Пантаналга (коргоого алынган табигый аймак; Бүткүл дүйнөлүк мурастын тизмесине киргизилген) бир нече туристтик маршрут кетет.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9