Канария агымы

Канария агымы – Атлантика океанынын Түндүк бөлүгүнүн чыгышындагы муздак агым. Түндүк Атлантика агымынын батыш тармагы. Туурасы 400–600 км. Пиреней жарым аралын жана Африканын түндүк-батышын жээктей түндүктөн түштүктү карай агат. Суусунун температурасы февралда 12–23^оС, август 19–20^оС. Агымдын ылдамдыгы 0,9 – 1,82 км/саат. Суусунун чыгымы 16 млн м³/секдай; туздуулугу 36,0–36,8%о. Түштүктө Түндүк Пассат агымына өтөт (Гвинея булуңун карай бир аз багытталат).

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9