Мазмунга өтүү

Капаган каган

Википедия дан
Капаган Каган
𐰴𐰯𐰍𐰣 𐰴𐰍𐰣[1]
Экинчи Чыгыш Түрк Кагандыгынын каганы
691 — 716
Андан мурунку: Элтериш Каган
Андан кийинки: Инел Каган
 
Дини: Теңирчилик
Каза болгон жылы: 716 жыл(0716)
Уруусу: Ашина
Атасы: Этмиш Бек
Балдары: Инел Каган
Кесиби: Шанүй

Капан КаганЭкинчи Чыгыш Түрк Кагандыгынын экинчи каганы жана биринчи каган Элтериш Кагандын иниси болгон[2].

Кутлук кагандын аталаш иниси, Күлтегин менен Билге кагандын аталаш агасы. Чыгыш Түрк кагандыгынын ээлигин кеңейтип, анын чек арасын Дербенттен (Кавказ) Хуанхэге (Кытай) чейин жеткирүүнү көздөгөн. 694-жылы Ордосту алуу үчүн кытайлар менен согушта Маньчжурияны каратып, 706-жылы Түндүк Кытайга чабуул жасаган. 709-жылы тогуз-огуздарды, 711–712-жылдары енисейлик аздар менен чиктерди жеңип алган. 712–13-жылдары Алтайдан келип, Жети-Суудагы он ок элин багындырган. Сыр-Дарыядан өтүп, Кавказга жакын тохар, согдуларды кыйраткан. 714-жылы кайрадан баш көтөргөн табгачтарга 6 жолу сокку урган. Капаган каган көчүүгө кам көргөн тогуз-огуздарды Гобинин түндүгүндө талкалаган. 716-жылы Толы өзөнүнүн жээгинде байегу урууларын жеңип, азыраак аскери менен кайтып бара жатканда ал уруулардын аман калган тобу капысынан кол салып, Капаган каганды өлтүрүп, башын кытайларга тартуу кылышкан.

Колдонулган адабияттар[түзөтүү | булагын түзөтүү]

  1. Сертка, О.Ф. (1995). Göktürk tarihinin meseleleri (Түрк тилинде). Ankara: Türk Kültürünü Araştırma Enstitusu. б. 81.
  2. Тонюкук мемориалдык комплекси, TÜRIK BITIG