Каримов Иманжан

Каримов Иманжан (1906, Ош облусу, Кара-Суу району, Нариман кыштагы – 1978, ошол эле жер) – пахтакер, Социалисттик Эмгектин Баатыры (1948). Ош Облусунун Кара-Суу районундагы Ленин атындагы колхоздо звено башчысы болуп иштеген. 1947-жылы анын звеносу 3 га аянттагы пахтанын ар гектарынан 86 цден түшүм жыйнап алган. 1955– 59-жылдары Кыргыз ССР Жогорку Советинин депутаты. Ленин ордени менен сыйланган.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9