Кесипти (квалификацияны) өркүндөтүү
Кесипти (квалификацияны) өркүндөтүү – педагогика кадрлардын кесиптик билимдерин жогорулатуу, ишкердик сапаттарын өркүндөтүү, ошондой эле адистердин теориялык жана практикалык билимдерин жаңылоо максатында квалификацияларын жогорулатуу. Ал квалификация деңгээлине талаптардын артышына жана кесиптик милдеттерди аткаруунун учурдагы ыкмаларын өздөштүрүү зарылдыгына байланыштуу ишке ашырылат. Квалификацияны жогорулатуу зарылдыгына жараша, бирок кызматкердин бардык иштеген жылдарынын ичинде 5 жылда бир жолудан кем эмес жүргүзүлөт.
Колдонулган адабияттар[түзөтүү | булагын түзөтүү]
Мамлекеттик тил жана энциклопедия борбору. Кыргыз педагогикасы (энциклопедиялык окуу куралы). - Б.: 2004