Кеңсай көрүстөнү
Кеңсай көрүстөнү – биздин заманга чейин 3-кылымдарга биздин замандын 2-кылымына таандык дөбөлөр. Кочкор районунун Жонарык суусунун жээгиндеги тоо этегинде. Көрүстөндөр үч түрлүү: четтери таш менен курчалып, ортолоруна майда таштар үйүлгөн жалпак дөбөлөр; четтери чоң таштар менен курчалган топурактуу дөбөлөр; сүйрү таштар менен курчалган дөбөлөр. Алардын бийиктиги 3 мге чейин. Маркумдардын башы батыш тарапка каратылып коюлган, жандарынан алмурут сымал түбү тегерек жана туткалуу кеселер, колодон жасалган буюм сыныктары, мал сөөктөрү табылган. Кеңсай көрүстөнүн А.М.Фетисов менен А.К.Кибиров изилдеген.
Шилтемелер
[түзөтүү | булагын түзөтүү]- Кыргыз Тарыхы. Энциклопедия. Бишкек, 2003
- Мамлекеттик тил жана энциклопедия борбору. И. Арабаев ат. Кыргыз Мамлекеттик Педагогикалык Университети
- Башкы ред. Ү.А. Асанов, Жооптуу ред. А. А. Асанканов
- Ред. кеңеш: Ө.Ж. Осмонов (төрага), Т.Н. Өмүрбеков (жооптуу катчысы), А.Ж. Жуманалиев, ж.б.