Колорит

Колорит (итальянча colorito, латынча color — өң-түс, боёк дегенден) — көркөм сүрөт өнөрүнүн ар кыл боёктордун айкалышып, бирдиктүү бир түстү жаратуусу. Колорит эмоциялык, психологиялык туюнтуунун маанилүү куралы болуп, көркөм образды толук ачууга кызмат кылат. Кайсы бир боёктордун басымдуулук кылышына жараша Колорит жаркын же күңүрт, салкын (көк, жашыл түс басымдуулук кылса) же жылуу (кызыл, сары түс көптүк кылса) ырай болушу мүмкүн. Колорити чебер пайдалана билген сүрөткер колорист, ал эми скульптура менен архрадагы Колорит полихромия деп аталат.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9