Конкер

Конкер (французча сoncours – мелдеш) – ат спортунун негизги түрлөрүнүн бири; белгиленген маршрутта (узуну 200–1100 м) 75x40 мден кем эмес талаада 16га чейинки тоскоолдукту жеңип чыгуу. Конкер иппик (жогорку), мергенчилик ж. б. болуп айырмаланат. 1900-жылдан олимпиялык оюндардын программасына кирген, 1953-жылдан дүйнөнүн чемпионаты өткөрүлөт.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9