Корум

Корум, корум таштар – тоо беттериндеги жана чокуларындагы аскалардан чулу тектер талкаланып, тоо этектерине топтолгон шагыл таштар. Корум негизинен бийик жана орто бийик тоолордо кездешет. Корумдагы таштардын өтө чоңдору «төө таш», кой таш деп аталат. Кыргызстандын аймагында «корум», «корумду» сөздөрү катышкан геогр. аттар өтө көп; мисалы, Корум-Ашуу, Корум-Суу, Корумду (ашуу, тоо, чоку, суу, кыштак ж. б.), Кара-Корум ж. б.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9