Красовский эллипсоиди
Красовский эллипсоиди – Жердин эллипсоиди. Астроном-геодезист, СССР Илимдер Академиясынын корреспондент мүчөсү Ф. Н. Красовский жетекчилик кылган Борбордук геодезия, аэросъёмка, картография илимий-изилдөө институтунун кызматкери А. А. Изотов 1940-ж. эсептеп чыккан. Анын чоң жарым огу (экватордук радиусу) 6 378 245 мге, кичине жарым огу (уюлдук радиусу) 6 356 863 мге, уюлдук кысылышы 1:298,3 барабар. Ушуга байланыштуу мурда колдонулуп келген Бесселдин эллипсоидинин ордуна Красовский э-н колдонуу жөнүндө 1946-ж. СССР Министрлер Советинин токтому чыккан. Азыр геодезия жана картография иштеринде кеңири колдонулат. Жердин өлчөмүн, формасын так эсептеп чыккандыгы үчүн Ф. Н. Красовскийге (өлгөндөн кийин) жана А. А. Изотовго 1952-ж. СССР мамлекеттик сыйлыгы ыйгарылган.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9