Ксилография
Ксилография (ксило... жана – графия) – жыгачтын бетине, аны оюп, кырып сүрөт тартуу; 2) жыгачтын бетине ушул жол менен тартылган сүрөт, гравюра. Басуу формасы (клише) жыгачка кол менен оюп даярдалат. Мында бийиктен басуу сыяктуу сүрөттөн кагазга түшүрүлө турган элементтери бир тегиздикте болуп – ал эми түшүрүлбөй турган бөлүгү оюлуп ылдый түшүрүлөт. Бийик элементтерге боёк жугуп – андан кагазга басылат. Ксилография жолу менен даярдалган формадан гальвано-клише алынат. Полиграфияда Ксилография китеп-журналдарга көркөм сүрөттөрдү тартуу үчүн колдонулат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9