Кулдук мөңгүсү
Кулдук мөңгүсү — Чоң Алай кырка тоосунун түндүк капталындагы өрөөн тибиндеги мөңгү. Узундугу 5,8 км, аянты 4,9 км2, көлөмү 0,2 км3. Кызыл-Суунун сол куймасы Шибе суусунун алабында жайгашкан. Мөңгүнүн башы деңиз деңгээлинен 5300 м, этеги 3500 м бийиктикте жатат. Кар чегинин бийиктиги 4900 м. Абляциясынын аянты 3,7 км2. Мөңгүдөн Шибенин сол куймасы — Кулдук суусу башталат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9