Кушбеги
Кушбеги — Орто Азия хандыктарына тийиштүү бийлик мансабы. Болжол менен орто кылымдарда пайда болуп, алгач куш таптоо, аң уулоо сыяктуу хан көңүлүн ачуучу кесип болсо, бара-бара хандын жакын кеңешчиси (16—17-кылым.), кийинчерээк хандан кийинки увазирге тете кызмат (18—19-кылым) болуп калган. Бухара хандыгында Башкы кушбегине («Кушбеги-и-Калон») эки киши дайындалып, бири («Кушбеги-и-Боло») башкы министрдин даражасында, экинчиси («Кушбеги-и-Пойон») башкы зекетчинин милдетин аткарган. Кокон жана Чыгыш Түркстандагы кээ бир хандыктарда да кушбеги бийлик баскычындагы маанилүү кызмат орундарынан болуп эсептелген.
Колдонулган адабияттар[түзөтүү | булагын түзөтүү]
- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9