Көкчөтоо, тоо

Wikipedia дан

Көкчөтоо тоосу – Түркстан кырка тоосунун түндүк тармагы. Сумбула суусунун чыгышында, Исфана өрөөнүнүн түштүгүндө кеңдик багытта 21 кмге созулуп жатат. Туурасы 6 км. Орточо бийиктиги 2200–2400 м, эң бийик жери 2583 м. Жону тайпак, капталдары аскалуу; кокту-колоттуу, жарлары бар. Девон, карбон жана силурдун кумдук, алевролит, сланец жана конгломерат тектеринен турат. Көмүрдүн кени бар. Жарым чөл, кургак талаа жана талаа ландшафттары мүнөздүү; арча токою кездешет. Чарбачылыкта чөп чабынды, жайыт катары пайдаланылат. КӨӨЛҮ КЫРКА , тоо Борбордук Теңир-Тоодо. Түндүгүнөн Көөлү, чыгышынан Сарыжаз, түштүгүнөн жана түштүк-батышынан Үчкөл, Сарычат өрөөндөрү менен чектешип, түндүк-батышынан чыгышка карай 52 кмге созулат. Туурасы 21 км, орт. бийикт. 4600 м, эң бийик чокусу 5281 м (Конституция). Протерозойдун гранит, гранит-диорит, гнейс, мрамор, сланец, кембрийдин филлит, кумдук, силурдун акиташ теги, девондун андезит, порфирит, доломит, пермдин жегичтүү гранит, сиенит, габроиддери кездешет. Тоо–миздүү кырлар, тик беттер, тегизделген байыркы жондор мүнөздүү болгон мегантиклинорий. Көкчөтоо тоосундагы мөңгүлөрдүн жалпы аянты 216,2 км2 . Кар чеги 4000–4200 м. Нивалдык-гляциалдык, альп, түштүктү караган беттерде шалбаалуу талаа, субальп ландшафттары кездешет.

Колдонулган адабияттар[оңдоо | булагын оңдоо]