Мангельдин, Рустамбек Султанбекович
Мангельдин, Рустамбек Султанбекович (1935, Смоленск ш. – 1993, Бишкек ш.) – гидрогеолог, геология-минералогия ил. доктору (1988), профессор (1991), Кыргыз ССР мамлекеттик сыйлыгынын лауреаты (1988). Ташкендеги Орто Азия политехника ин-тун бүткөн (1959). «Кыргызсуучарбадолборлоо мамлекеттик ин-тунда» инженер (1959 – 62), Кыргыз комплекстүү гидрогеол. экспедициясынын Ош партиясынын башкы гидрогеологу, экспедициянын начальниги (1962–93). Практикалык ж-а илимий ишинин негизги багыты: жер астындагы тузсуз ж-а термоминералдык сууларды издөө, чалгындоо, гидрогеол. чалгындоо иштерин уюштуруу.