Маргарет Этвуд

Википедия дан
Маргарет Этвуд (2015).

Маргарет Элеанор Этвуд (англ. Margaret Eleanor Atwood; 1939-жыл 18-ноябрь) — канадалык акын, жазуучу, адабий сынчы, эссеист жана айлана-чөйрөнү коргоочу. Ал "Артур Кларк" жана Канзаада Астуриянын адабият жаатындагы сыйлыгына татыган, Букер сыйлыгынын кыска тизмесине беш жолу кирип, бир жолу уткан жана Генерал губернатор сыйлыгынын бир нече жолу финалисти болуп, эки жолу сыйлыкка ээ болгон. 2001-жылы анын ысымы Канаданын Ардак аллеясына түшүрүлгөн. Ошондой эле ал Канададагы жазуучулар коомчулугун колдоого багытталган "Канада жазуучулар" бейөкмөт адабий уюмун негиздеген. Канада адабиятына кошкон сансыз салымдарынын арасында ал Гриффин поэзия сыйлыгын негиздеген киши болгон.

Ошондой эле, Этвуд документтерди алыстан эле роботтун жардамы жазууга мүмкүнчүлүк берген LongPen жана ага байланышкан технологияларды ойлоп табуучу, иштеп чыгаруучу болуп саналат. Ал Syngrafii Inc. (мурунку Unotchit Inc.) компаниясынын тең түзүүчүсү жана директору болуп саналат. Компания 2004-жылы LongPen технологияларын иштеп чыгып, өндүрүп жана тарата баштаган. Ал LongPen технологиялары менен байланышкан ар кандай патенттерге ээлик кылат.

Ал мыкты жазуучу катары таанымал болуу менен бирге эле он беш поэзия китебин жарыкка чыгарган. Анын көптөгөн поэзиялык чыгармаларына мифтер жана жомоктор эргүү берген. Ал жаш кезинен бери эле ал нерселерге кызыгып келген. Этвуд Tamarack Review, Alphabet, Harper's, CBC Anthology, Ms., Saturday Night жана башка көптөгөн журналдарга кыскача аңгемелерди чыгарган. Ошондой эле ал аңгемелердин төрт жыйнагын жана классификацияланбаган кыскача прозалык чыгармалардын үч жыйнагын чыгарган.

Өмүр таржымалы[түзөтүү | булагын түзөтүү]

Чыгармалары[түзөтүү | булагын түзөтүү]

Шилтемелер[түзөтүү | булагын түзөтүү]