Медальон
Медальон (французча medaillon) – монументалдык жасалга жана колдонмо көркөм искусстводо имаратты же тиричилик буюмунун кооздук жасалгасынын ажырагыс бир бөлүгү болуп эсептелген, көркөм сүрөттөлгөн же орнаменттүү композициясы бар тегерек же сүйрү талаа. Архитектуралык жасалгада М. эреже катары, рельеф, кооздоп жазуу, мозаика каражаттары менен аткарылат; колдонмо көркөм искусствосунда буга эмаль, инкрустация, интарсия, оюп кесүү жана башка кошумчаланат. Өз алдынча буюм катары М. аялдардын тегерек же сүйрү формадагы, моюнга салынуучу азем буюму түрүндө колдонулат.
Колдонулган адабияттар
[түзөтүү | булагын түзөтүү]- Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004