Мезодерма
Мезодерма (мезо... жана грекче. dtrma – тери) – көп клеткалуу жаныбарлардын (былпылдактар жана ичеги көңдөйлүүлөрдөн башка) жана адамдын түйүлдүктөрүнүн ортонку катмары. Эктодерма менен энтодерманын ортосунан орун алган. Жаныбарлардын ар түрдүү топторунда ар башка жолдор менен пайда болот. Жалпак куртта жана немертинде мезодерманын тилкеси ички органдардын арасын толтуруп турган бириктиргич тканды пайда кылат; муунак куртта жана көпчүлүк башка омурткасыз жаныбарда мезодермадан экинчи дене көңдөй – целом өөрчүйт. Целомдон дененин булчуңдары жана бөлүп чыгаруу органдары пайда болот.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7