Микроклин

Микроклин (микро… жана грекче klino – жантаюу, эңкейүү) – талаа шпаттар тобуна кирүүчү минерал. Химиялык формуласы (K, Na)[AlSi3O8]. Призма түрүндө кристаллдашат. Өңү-түсү кызгылт, мала кызыл, киргил саргыч, кээде ак, агыш, көгүш жашыл (амозонит). Айнек сыяктанып жылтырайт. Катуулугу 6–6,5. Интрузия тоо тектеринин (гранит, гранодиорит, пегматит) жана гнейстердин курамында кездешет. Карапачылыкта (карапа, чайнек, чыны ж. б. жасоодо) кеңири колдонулат.

Колдонулган адабияттар[түзөтүү | булагын түзөтүү]

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7