Мисиров Амангелди
| Мисиров Амангелди | |
[[Файл: | |
| Туулган жери: |
Чапкындык айылы, Сузак району, Джалал-Абад облусу. |
|---|---|
| Ишмердүүлүгү: |
Жазучуу |
| Чыгармаларынын тилдери: | |
Мисиров Амангелди - балдар акыны жана жазуучу. Сузак районунун Чапкындык айылында 1943-жылы 9-февралда туулган. 1951-жылдан «Кызыл пахтачы» орто мектебинде окуган.
1966-жылы Кыргыз мамлекеттик университетинин филология факультетин бүтүрүп, эмгек жолун Сузак районундагы В.И.Чапаев атындагы орто мектебинде мугалим болуп иштөөдөн баштаган. Кийинчерээк «Кызыл пахтачы» орто мектебинде, Ош шаарындагы В.Терешкова атындагы мектеп-интернатында мугалим, 1989–1993-жж. Ош, Жалал-Абад облустук гезиттеринде журналисттик кызматтарда иштеп, 1994-жылдан мугалимдик кесибин улантып келет.
1973-жылдан анын ыр, аңгеме, жомоктору «Кыргызстан пионери», «Байчечекей», «Ленинчил жаш» гезит-журналдарында жарык көрө баштаган. Балдар үчүн жазган чыгармалары республикалык, облустук телерадиолордон да берилип келген.
Балдар үчүн жазылган ырларына обончулар тарабынан обондор чыгарылган.
1990-жылы «Балалыктын үнү» аттуу алгачкы китеби «Адабият» басмасынан басылып чыккан.
2000-жылы Ош облусунда жарык көргөн мектеп жашындагы таланттуу балдардын «Жаш кыял» деген ырлар топтомуна баш сөз жазган.
«Күн, суу, адам, шамал ж.б. жөнүндө» аттуу жомогу 3-класстын хрестоматиясына, чыгармалары А.Токтомаметовдун «Адабий окуу» китебине киргизилген.
«Ош – 3000», «Ош пирим – 2000» сынагынын лауреаты болуп, «Кыргыз Республикасынын эл агартуусунун отличниги» төш белгиси менен сыйланган.
Жалал-Абад шаарынын мэриясынын жана шаардык Кеңешинин Ардак грамотасына татыктуу болгон.
1989-жылдан Кыргызстан Журналисттер союзунун, 1998-жылдан Кыргыз Республикасынын Жазуучулар союзунун мүчөсү.
Жарык көргөн китептери
[түзөтүү | булагын түзөтүү]Кыргыз тилинде
[түзөтүү | булагын түзөтүү]Балалыктын үнү: Ырлар. – Ф.: Адабият, 1991. – 17 б.
Акылдуу улактар: Аңгеме, Жомоктор. – Ош, 1993. – 32 б.
Сүрөтчү булуттар: Ырлар. – Ош, 1995. – 52 б.
Ырым-жырымдар жана түш жоруу. – Ош, 1997. – 38 б.
Күн, Суу, Адам жана башкалар жөнүндө жомок. – Ош, 2007. – 46 б.
Дүйшө палван: Даректүү аңгеме. – Ош, 2007. – 67 б.
Мекен ташы: Ырлар. – Ош, 2008. – 44 б.
Күн, Суу, Адам жана башкалар жөнүндө жомок, Аңкоо дөө...: Аңгемелер. К-те:Кубан бөбөк. - Б.: Учкун, 2009. - 52-57-б.
Акылдуу бол: Аңгеме, жомок, ырлар. – Ош, 2010.
Ыйман сыры: Ырлар, жомоктор, aнгемелер - Бишкек, 2012
Тартипсиз мамалак: Жомоктор - Бишкек, 2011
Колдонулган адабияттар
[түзөтүү | булагын түзөтүү]- *Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011. – 456 б. ISBN 978-9967-26-379-6