Москва дөңсөөсү

Москва дөңсөөсү - Россиянын Москва жана Владимир облусунун аймагынын түндүгүндө Вори, Москва дарыясынын башатынан Колокши дарыясынын башатына чейин созулат. Бийиктиги 310 м. Түпкүрү негизинен бор жана юра мезгилдеринин кумдук чополуу тектеринен түзүлүп, үстүн мөңгү шилендилери жаап калган. Эрозия-мореналуу рельеф басымдуу. Аралаш (кайың, байтерек, карагай) токойлуу.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7