Мунай монополиялары
Мунай монополиялары – мунай чарбачылыгын башкаруучу күчтүү, кубаттуу бирикме. Ондогон мунай тресттери эл аралык монополияны түзөт. Башка чарбалардан финансылык кубаттуулугу, өндүрүш каражаттарынын күчтүүлүгү, дүйнөлүк орду, соода-сатык маселелеринин ыңгайлуулугу менен айырмаланат. АКШ, Улуу Британия, Франция, Бельгия, Сауд Арабиясы, Иран, Ирак, Кувейт, Венесуэла, Катар, Индонезия дүйнө жүзүндө алдынкы монополия болуп саналышат. Булар башка өлкөлөрдүн байлыктары менен киши күчүн пайдаланышат. Ошентип өздөрүнүн капиталдарын чыңдайт. Монополиялар ортосундагы атаандаштыкты, карама-каршылыкты күчөтөт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7