Натура
Натура (лат. natura – жаратылыш, табият) – көркөм сүрөт искусствосунун практикасында – сүрөтчү тикеден-тике иш убактысында модель катары байкай жана тарта алган (же тарта алчу) предметтер, жандыктар, ар кандай кубулуштар. Тикелей жана толугу менен Н-дан, эреже катары, этюд, сүрөттүк сүртүм, зарисовка гана же кээ бир өз алдынча маанидеги чыгармалар аткарылат (мисалы, портрет же пейзаж). Живописте, графикада жана скульпторлукта тематикалык композиция түзүү реалист – сүрөтчүдөн Н-да аткарылган көптөгөн даярдоочу этюд менен зарисовкаларды талап кылат. Н-ны тыкан окуп үйрөнүү сүрөтчүнүн ар кандай реалисттик идеяларды ишенимдүү, жандуу чагылдыруусунун эң маанилүү шарттарынын бири болуп эсептелет. Н. термини бул сөздүн кеңири маанисинде объективдүү чындыкты анын бардык кубулуштарында жана ар түрдүүлүгүндө көрсөтөт, бирок бул мааниде ал аз колдонулат.
Колдонулган адабияттар[түзөтүү | булагын түзөтүү]
- Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|