Нокаут

Википедия дан

Нокаут (англисче: knockout) – бокста таймашты аяктоонун бир эрежеси. Боксёр муштум жегенден кийин 10 секдан ашык эсине келбесе, мелдеш токтотулуп, жеңиш аны жыга урган боксёрго берилет. Нокаут талуу жерге муштоонун негизинде болот. Анда боксёрдун дем алуусу, канынын айлануусу бузулуп, тегерегин байкабай тамтаңдап калат, башы айланат, эсин жоготот. Нокаут ичке, моюнга, чыкыйга, бөйрөккө, ээкке катуу соккондо да болушу мүмкүн. Нокаут болгондон 2– 3 миндан кийин боксёр эсине келет. Андан көбүрөөк эсинен танса, ооруканага тез жеткирүү керек. Нокаут болгон спортчуга 5 айга чейин мелдешке катышууга, 3 айга чейин спорт мененмашыгууга болбойт. Таймаш учурунда нокаутка жеткирбестен, мелдешти токтотууга калыстын укугу бар.

Колдонулган адабияттар[түзөтүү | булагын түзөтүү]