Олобо

Олобо, куйган өпкө — кыргыздын улуттук тамагы; кой-эчкинин сүт куюлуп бышырылган өпкөсү. Союлган малдын өпкөсү кекиртеги менен кошо чыгарылып, толтура жел үйлөнүп, муздак сууга салынат. Андан соң өпкөнүн ичи жылуу суу менен тазаланат. Сүт өпкөгө батышынча толтурулгандан кийин кекиртекке эт сойлотуп, 4–5 жеринен ичке жип менен байлайт, сууга кайнатылып бышырылат.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7