Орозов, Шейше
Орозов Шейше (1912, Талды-Суу өндүрү, азыркы Түп району—1959, Бишкек ш.,) — дирижёр. Кыргыз ССРинин искусствого эмгек сиңирген ишмери (1939). Кыргыздын туңгуч дирижёру.
1927— 29-ж. Бишкек шаарында музыкалык драма студиясында окуп жана иштеген.
1933— 36-ж. Кыргыз музыкалык драма театрында актёр, директорунун орун басары.
1936—38-ж. Кыргыз мамлекеттик филармониясынын директору, эл аспаптар оркестринин көркөм жетекчиси жана дирижёру, музыкант, музыка сабагы боюнча окутуучу.
1940—45-ж. жана 1950—59-ж. Т. Сатылганов атындагы мамлекеттик филармониянын улуттук студиясында дирижёрлук класс боюнча окуп, 1948—50-ж. эл аспаптар оркестринин көркөм жетекчиси жана башкы дирижёру болуп иштеген.
Орозов «Музыкалык сабат» (1950) аттуу кыргыз тилинде музыка боюнча жазылган биринчи окуу китептин автору. Эмгек Кызыл Туу ордени менен сыйланган.
Колдонулган адабияттар
[түзөтүү | булагын түзөтүү]- Ысык-Көл облусу энциклопедия. Бишкек-1994-ж.