Оторбаев Асанбек
Асанбек Оторбаев - 1925-1945
Кыскача өмүр баяны
[түзөтүү | булагын түзөтүү]Асанбек Оторбаев 1925-ж Кыргыз ССРинин Талас областынын Талас районундагы Чат-Базар айылында дыйкандын үй бүлөсүндө туулган.
Улуту кыргыз.
КПССтин мүчөсү.
1943-жылы январда 18 жаш курагында фронтко кеткен. Кенже сержант, пулеметчу.
Көрсөткөн эрдиги
[түзөтүү | булагын түзөтүү]Ленинград жана 1-украин фронтторунда салгылашкан. Немецтик-фашисттик баскынчыларга каршы салгылашууларда тайманбастыгы жана эрдиги менен көзгө көрүнгөн.
Даңктуу көп эрдик көрсөткөн, өрнөктүү жана эр жүрөк жоокер болгон.
Наамдары
[түзөтүү | булагын түзөтүү]Согуш жылдарында синирген күжүрмөн эмгеги үчүн Кызыл Жылдыз ордени жана "Эрдик үчүн" медалы менен сыйланган. 1945-жылы 10-апрелде А.Оторбаевге Советтер Союзунун Баатыры деген наам өлгөндөн кийин берилген.
Баатырдын эстелиги өзүнүн Мекенинде түбөлүккө калтырылган.
Чат-Базар орто мектебине анын ысымы коюлган, мектептин жанындагы паркка эр жүрөк жоокердин бюсту орнотулган.
Анын супасында: "Баатырга ыраазы болгон урпактарынан жан замандаштарынан" деген сөздөр жазылган.
Колдонулган адабияттар
[түзөтүү | булагын түзөтүү]- А. Иманкулов "Алардын эрдиги түбөлүккө жашайт" Фрунзе 1986